dunyatv.az
CANLI YAYIN

Hesablama Palatası və Dövlət Gömrük Komitəsi arasında Razılaşma Memorandumu imzalanıb 18 01 2016

18-01-2016, 08:24

Hesablama Palatası və Dövlət Gömrük Komitəsi arasında Razılaşma Memorandumu imzalanıb

 
 

Bakı. Ramiz Mikayıloğlu - APA. Hesablama Palatası və Dövlət Gömrük Komitəsi (DGK) arasında Razılaşma Memorandumu imzalanıb.

 

APA-nın məlumatına görə, sənəd palatanın və komitənin Azərbaycanın iqtisadi inkişafına yönəlmiş fəaliyyətinin müasir dövrün çağırışlarına uyğun olaraq təmin edilməsi məqsədilə imzalanıb.

 

Memorandumun əsas məqsədi Hesablama Palatasına və DGK-yə həvalə edilmiş səlahiyyətlərin həyata keçirilməsi zamanı məlumat bazasının genişləndirilməsi, məlumatların əldə olunmasında operativliyin təmin olunması və qarşılıqlı fəaliyyətin digər aspektləri baxımından hər iki qurumun fəaliyyətinin koordinasiyası və əməkdaşlığının gücləndirilməsidir.

 

Memorandum Hesablama Palatasının Strateji İnkişaf Planında müəyyən edilmiş hədəflərə nail olunmasına, hər iki qurumun qanunvericiliklə müəyyən edilmiş səlahiyyətləri çərçivəsində gömrük orqanlarının xətti ilə yığılması təmin edilən dövlət gəlirlərinin hesablanması və ödənilməsi sahəsində dövlət nəzarətinin və hesabatlılığın möhkəmləndirilməsinə, şəffaflığın artırılmasına xidmət edəcək.

 

 



Oxunub: 428

Mətndə səhv var? Onu siçanla seçin və Ctrl+Enter düyməsini basın.
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.DUNYATV.az
Copyright © 2013-2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.