dunyatv.az
CANLI YAYIN

Bakı bulvarı ərazisində Wi-Fi şəbəkəsi işə salınacaq

23-10-2013, 10:28

 

 
Bakı bulvarı ərazisində dekabrın sonuna kimi Wi-Fi şəbəkəsi işə salınacaq. Bu barədə Trend-ə Dənizkənarı Milli Park İdarəsindən bildirilib.

İdarədən verilən məlumata görə, hazırda giriş nöqtələrinin qurulması üzərində işlər aparılır. Bu gün Dənizkənarı Milli Parkda quraşdırılan Wi-Fi nöqtələrinin sayı 30-u keçir. Bundan əlavə, yaxın vaxtlarda iki əsas ötürücünün işə salınması planlaşdırılır ki, bu da parkın ərazisini tamamilə əhatə etməyə imkan verəcək. İşlərin yekunlaşmasından sonra şəbəkə bir həftə ərzində sınaqdan keçiriləcək.

Simsiz giriş şəbəkəsi vasitəsilə istifadəçilər bəzi internet-resurslara (sosial şəbəkələr, bir sıra dövlət orqanlarının saytları və s.) pulsuz çıxış əldə edə biləcəklər.

Şəbəkənin bütün xidmətlərindən (videoya baxmaq, kontent yükləmək) istifadə etmək istəyənlərə isə kommersiya paketləri təqdim ediləcək. Əxlaqa zidd saytlara giriş məhdudlaşdırılacaq.


Oxunub: 1 846

Mətndə səhv var? Onu siçanla seçin və Ctrl+Enter düyməsini basın.
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.DUNYATV.az | info@dunyatv.az
Copyright © 2013-2020 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.