dunyatv.az
CANLI YAYIN

Azərbaycanlı bir gündə 6 dünya rekordu qazandı

29-12-2013, 16:39

Azərbaycanlı bir gündə 6 dünya rekordu qazandı
Gürcüstan azərbaycanlısı 1540 kiloqramlıq "Mercedes” markalı avtomobili 10 metr dartıb


Borçalı sakini olan və Ginnesin Rekordlar Kitabına düşən "maqnit adam” təxəllüsü ilə tanınan Etibar Budaqlı dekabrın 28-də Tiflisdə 6 dünya rekordu əldə edib.
APA-nın Gürcüstan bürosunun məlumatına görə, E. Budaqlı öncə 52 qaşığı sinəsinə düzüb və 6 dəqiqə 15 saniyə saxlayıb. Sonra o, sinəsinə yapışdırdığı 10 sinini 1 dəqiqə 15 saniyə saxladığını nümayiş etdirib və sonra üzərində 84 kq yüklə 25 saniyə qaçıb.
Bundan sonra E. Budaqlının sinəsinə yapışdırılan dəmirin üstünə 15 kirəmid kərpic qoyulub və çəkiclə zərbə vurularaq qırılıb. "Maqnit adam” həmin gün bədəni ilə 147 kq yükü 30 saniyə saxlayıb. O, sonuncu rekordunda maqnitin gücü ilə saxladığı 19 kq dəmirin üstündə oturan və 55 kq çəkidə olan gənci sinəsində saxlayıb və ona bağlanan kəndirlə 1540 kiloqramlıq "Mercedes” markalı avtomobili 10 metr dartıb.Tədbirdə E. Budaqlıya diplomlar və mükafatlar təqdim olunub.
"Maqnit adam”ın bir gündə əldə etdiyi bu rekordları dünyanın bir çox telekanalları, o cümlədən Azərbaycan televiziyaları və media nümayəndələri müşayiət edib.

[/b][/b]


Oxunub: 801

Mətndə səhv var? Onu siçanla seçin və Ctrl+Enter düyməsini basın.
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.DUNYATV.az
Copyright © 2013-2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.