Tağı Əhmədovun hakim oğlu

Azərbaycanda yüksək vəzifələr tutan məmurların, tanınmış simaların övladları ilə bağlı məlumatlar tez-tez media vasitəsilə gündəmə gəlir, kimisi haqda yaxşı sözlər danışılır, kimisi barədə isə əksinə...

Cəmiyyətin bütün təbəqələri kimi, vəzifəli şəxslərin, məşhurların övladları arasında nümunəvi davranışları ilə seçilənlər də var və təbii ki, bunun əksinə olanlar da... Ümumiyyətlə məmurların və məşhurların övladları haqqında bilgilər ictimaiyyətə də həmişə maraqlı gəlib - onlar kimdirlər, harda çalışır, nə işlərlə məşğuldurlar...

Modern.az saytı "Məşhurların övladları” rubrikasında son vaxtlar adı medianın gündəmindən düşməyən Bakı Metropoliteninin rəisi Tağı Əhmədovun oğlu barədə məlumat dərc edib.

 

Tağı Əhmədovun iki oğlu var. Onlardan biri Xətai rayon Məhkəməsində, digəri Xarici İşlər Nazirliyində işləyir.

"Mənim iki oğlum var. Biri Xətai Rayon Məhkəməsində hakimdir. O biri də Xarici İşlər Nazirliyində işləyir. Hər ikisi haqqında başqalarından məlumat ala bilərsiniz ki, özlərini necə aparırlar”, -deyə Tağı Əhmədov bir müddət öncə "Yeni Müsavat”a müsahibəsində oğlanlarının tərbiyəli, mərifətli övladlar olduğunu vurğulamışdı.

Tağı Əhmədovun xanımı Salatın Əhmədli isə Modern.az-a müsahibəsində övladları haqda bunları deyib: "Hər anaya övladı əziz və şirindi. Heç vaxt ana övladının yaxşı cəhətini qoyub nöqsanını danışmaq istəməz. Amma nə yaxşı ki, mənim övladlarım layiqli böyüdülər. Hərəsi iki universitet bitirib, ailə-uşaq sahibdirlər. Atalarından fərqli olaraq bədii yaradıcılığa heç birində meyli yoxdu. Ana kimi heç vaxt övladlarımı əzizləməmişəm, həmişə onlarla ciddi olmuşam. Kişini kişi kimi böyütmək lazımdı”. 

Rauf Əhmədov Bakı Metropoliteninin rəisi Tağı Əhmədovun böyük oğludur. 

1974-cü ildə doğulan Rauf Əhmədov 2003-cü ildə Bakı Dövlət Universitetinin Hüquq fakültəsini bitirib. Rauf Əhmədov 2001-2004-cü illərdə Respublika Apellyasiya Məhkəməsində iclas katibi vəzifəsində çalışıb. 2004-2007-ci illərdə isə Respublika Apellyasiya Məhkəməsinin İcra şöbəsində icra məmuru işləyib. Daha sonra 2007-2010-cu illərdə Bakı Apellyasiya Məhkəməsinin İcra şöbəsində böyük icra məmuru vəzifəsini tutub.

 


Rauf Əhmədov 2010-cu ildə Bakı Şəhəri Xətai Rayon Məhkəməsinin hakimi vəzifəsinə təyinat alıb. O, hazırda da həmin vəzifədə çalışır.

 


  • Müəllif: Pervin_M
  • Tarix 4-01-2014, 11:42
  • Bölmə: Xəbərlər
  • Baxılıb: 903
Bu bölməyə aid digər məqalələr:

Son xəbərlər
Facebook səhifəmiz
Ən çox baxılan
Sorğu
«    Oktyabr 2019    »
BeÇaÇCaCŞB
 123456
78910111213
14151617181920
21222324252627
28293031 
Arxiv
Sayğac