dunyatv.az
CANLI YAYIN

Mağazaya oğurluğa girdi, amma içib yatdı - FOTO

23-10-2013, 11:45

 

 

 

 

 

 
Dunyatv.Az Türkel TV-yə istinadən xəbər verir ki, Goranboy rayonunda mağazadan oğurluq edilib. Hadisə rayonun Dəliməmədli şəhərinin Azərbaycan küçəsində qeydə alınıb. Belə ki, Mövlan Niftalıyevə məxsus mağazaya onun qonşusu Mahir Rzayev döşəməni xüsusi avadanlıqla sındıraraq daxil olub.

Mağaza sahibinin sözlərinə görə, cinayətkar dükana daxil olandan sonra burada spirtli içki qəbul edərək yatıb qalıb. Mağaza sahibi səhər tezdən mağazanı açanda görüb ki, qonşusu Mahir Rzayev dükanda yatır. Bu zaman qapını bağlayıb qonşuları və yaxınlıqda olan polis əməkdaşlarını köməyə çağırıb.

Nəticədə Mahir Rzayev qaçmağa cəhd göstərsə də, rayonun polis şöbəsinin əməkdaşları tərəfindən tutulub, istintaqa cəlb olunub. Bundan başqa cinayətkar dükanda olan bir çox ərzaq məhsularını yerə dağıdıb.

Xatırladaq ki, Mahir Rzayevin mağaza sahibinə 150 manat borcu var imiş. Onu da qeyd edək ki, Mövlan Niftəliyevə oğurluq zamanı 1500 manat dəyərində ziyan dəyib. Faktla bağlı Goranboy rayon polis şöbəsinin istintaq və təhqiqat şöbəsində araşdırma aparılır. Onun digər cinayətlərdə əli olub-olması araşdırılır.


Oxunub: 1 113

Mətndə səhv var? Onu siçanla seçin və Ctrl+Enter düyməsini basın.
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.DUNYATV.az | info@dunyatv.az
Copyright © 2013-2022 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.