dunyatv.az
CANLI YAYIN

Nazirlik 17 nəfəri işdən çıxarıb

28-12-2013, 11:35

Bu il ərzində Azərbaycan Vergilər Nazirliyinə vətəndaşlardan «Vergi işçisinin etik davranış kodeksi»nin tələblərinin pozulması ilə əlaqədar 55 şikayət daxil olub.

Dunyatv.az Etatist.com-a istinadən bildirir ki, Vergilər Nazirliyinin analitik-informasiya şöbəsindən APA-ya verilən məlumata görə, «Vergi işçisinin etik davranış kodeksi»nin tələblərinin pozulması ilə bağlı 17 əməkdaşın vergi orqanlarında xidmətlərinə xitam verilib, 4 əməkdaş aşağı vəzifəyə keçirilib, 4 nəfərin xüsusi rütbəsi bir pillə aşağı salınıb, 22 nəfərə şiddətli töhmət, 47 nəfərə töhmət verilib, 7 əməkdaşa xəbərdarlıq elan edilib.

Bu il ərzində etik davranış məsələləri ilə bağlı maarifləndirmə işlərinin gücləndirilməsinə diqqət artırılıb, Vergilər Nazirliyinin Tədris Mərkəzində keçirilən ilkin hazırlıq və ixtisasartırma kurslarının tədris proqramına «Vergi ödəyiciləri ilə qarşılıqlı münasibətlərdə işgüzar ünsiyyət etikası və vergi işçisinin etik davranış kodeksi» mövzusu əlavə edilib.


Oxunub: 916

Mətndə səhv var? Onu siçanla seçin və Ctrl+Enter düyməsini basın.
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.DUNYATV.az | info@dunyatv.az
Copyright © 2013-2022 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.