dunyatv.az
CANLI YAYIN

Azərbaycanlı uşaqların telefonları üçün yeni qaydalar olacaq

17-01-2014, 16:26

Pərviz Əliyev: "Azərbaycanda uşaqlar üçün təhlükəsiz mobil telefonların satışı üçün iPhone, Android telefonlarına süzgəcdən keçirilmiş internet veriləcək"
Azərbaycanda uşaqlar üçün təhlükəsiz mobil telefonların satışı üçün iPhone, Android telefonlarına süzgəcdən keçirilmiş internet veriləcək.
Bu barədə təklifi artıq Qadın və Uşaq Problemləri üzrə Dövlət Komitəsi tərəfindən Rabitə və İnformasiya Texnologiyaları Nazirliyinə (RİTN) təqdim edib.

Bu sözləri Movqe.az-a açıqlamasında Ailə, Qadın və Uşaq Problemləri Üzrə Dövlət Komitəsinin Uşaq Problemləri şöbəsinin müdir müavini Pərviz Əliyev deyib. P. Əliyev bildirib ki, artıq təklifi RİTN-ə göndəriblər: "Bizim göndərdiyimiz təklifdə qeyd olunub ki, iPhone, Android telefonlarına süzgəcdən keçirilmiş internet verilsin. Həmin telefonlar sırf uşaqlar üçün satışa buraxılsın”.

P. Əliyev onu da qeyd edib ki, bu təklifin bir-iki il ərzində reallaşması nəzərdə tutulub.

Movqe.az məsələ ilə bağlı Rabitə və İnformasiya Texnologiyaları Nazirliyinin İnformasiya cəmiyyətinin inkişafı şöbəsinin müdiri İsfəndiyar Əliyevlə əlaqə saxlayıb. İ. Əliyev artıq təklifin RİTN-ə daxil olduğunu, amma reallaşması üçün hüquqi və texniki baza yaradılmalıdır:

"Uşaqlar üçün bu cür telefonların satışa buraxılmasını birdən-birə gerçəkləşdirmək mümkün deyil. Bunun üçün mövcud qanunvericiliyə əlavələr edilməlidir. Üstəlik, maliyyə ayrılmalıdır. Yəni bu işin maliyyə tərəfini özəl sektorun üstünə atmaq olmaz. Təklif analiz edilməli mexanizmləri üzərində düşünülməlidir”.


Oxunub: 1 147

Mətndə səhv var? Onu siçanla seçin və Ctrl+Enter düyməsini basın.
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.DUNYATV.az | info@dunyatv.az
Copyright © 2013-2020 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.