Bir aydır komada olan məşhur idmançı Mihael Şumaxer haqqında yeni xəbər yayılıb.
Dunyatv.az xarici mətbuata istinadən xəbər verir ki, həkimlər avtopilotu koma vəziyyətdən çıxarmağa başlayıb.
Fransanın Qrenobl xəstəxanasında müalicə olunan Şumaxerin orqanizmi prosesə müsbət reaksiya verir. Oyatma prosesinin həftələrlə davam edə biləcəyi bildirilir.
"Formula 1" pilotunun ailəsi isə hər vəchlə məlumatların mediaya sızmasının qarşısını almağa çalışır. Onlar həkimlərin təzyiq altına düşəcəyindən ehtiyatlanırlar.
Qeyd edək ki, yeddiqat dünya çempionu Fransada, Alp dağlarında yerləşən qış kurortunda xizək sürərkən yıxılıb. Başından ağır zədə alan və helikopterlə xəstəxanaya çatdırılan M. Şumaxer komaya düşüb.

Dunyatv.az