dunyatv.az
CANLI YAYIN

Toyuq ətindən ölə bilərsiniz

27-02-2014, 10:34

Toyuq yeməkləri bişirildiyi gün yeyilməlidir, əks halda qida zəhərlənməsinə yol aça bilər.

DunyaTv.az Ailəm.az-a istinadən bildirir ki,sağlam orqanizm üçün sağlam qidalanmaq vacibdir. Bunun üçün orqanizmə əhəmiyyətli olan protein ehtiyatı qəbul edilməlidir. Qida rasionumuza daxil etdiyimiz qidalardan protein baxımından ilk yeri yumurta və toyuq tutur. Uşaqların sağlam böyüməsi üçün protein çox vacibdir. Ancaq ilk öncə yeyilən toyuğun nə dərəcədə sağlam olduğunu bilmək lazımdır. 

Toyuq qida zəhərlənməsi baxımından çox təhlükəlidir. Toyuğu çox isti otaq şəraitində saxlamaq olmaz. Donmuş toyuq soyuducuda, təzə alınmış toyuq əti isə ən az müsbət 4 dərəcədə saxlanılmalıdır. Firmalar məhsulun təzə olduğuna zəmanət versələr də, dükanlardan donmuş şəkildə aldığımız toyuğu evə gətirib çıxarana kimi bəzən onun buzu əriyir. Buna görə də dükandan alınan toyuğu son tarixinə qədər gözləmədən, tez bir zamanda bişirib yemək lazımdır. 

Toyuq alarkən ilk diqqət edilməli əlamətlər onun rəngi və qoxusudur. Qablarda aldığınız toyuqların sellofanını tam açmadan bir kənarından cıraraq, qoxusunun necə olduğunu öyrənə bilərsiniz. Əgər pis qoxusu varsa, uzaqdan hiss ediləcək. Təzə toyuğun rəngi açıq olur.

Donmuş toyuğun buzunun açılması üçün soyuq su altında, ya da müsbət 4 dərəcə soyuducuda saxlamaq lazımdır. Toyuğu soyuducudan çıxarıb buzunun kənarda əriməsini gözləmək düzgün deyil. Toyuq zəhərlənməsinin ən böyük səbəbi bişirilən toyuğun həmin gün yeyilməməsidir.

Toyuq əti az odda uzun müddət bişirilməlidir.

DunyaTv.az


Oxunub: 1 493

Mətndə səhv var? Onu siçanla seçin və Ctrl+Enter düyməsini basın.
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.DUNYATV.az | info@dunyatv.az
Copyright © 2013-2020 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.