dunyatv.az
CANLI YAYIN

Erməni əsgərlər rusların qabağında ‘Sarı gəlin’i oxudular - VİDEO

19-11-2013, 12:00

 

 

 

Fəlsəfə doktoru İrşad Abbasov: "Bu mahnı heç vaxt erməni dilində oturuşmayacaq”

Tovuzla Berd arasından keçən Azərbaycan-Ermənistan sərhədində qəribə hadisə baş verib. Erməni əsgərlər rus zabitlərinin qarşısında mütiliklə boyun əyərək "Sarı gəlin” Azərbaycan mahnısını ermənicə oxuyublar. Rus zabitin "davayte" əmrindən sonra hər iki əsgər başlarını aşağı salaraq balaban və nağara çalmağa başlayıblar. Daha sonra türkiyəli müğənni Sezan Aksunun erməni dilinə çevirdiyi variantda Azərbaycan mahnısını ifa ediblər.

Erməni əsgərlərin oxuduğu mahnının nəqarətində "Sarı gəlin” sözlərinin yox, "Sarı axçik”, yəni "sarı qız” sözlərinin yer aldığı açıqca görünür. Ermənistanda böyümüş və erməni dilini yaxşı bilən, hazırda Gəncədə yaşayan fəlsəfə doktoru İrşad Abbasovun sözlərinə görə, Sezan Aksunun oxuduğu "Sarı axçik" variantı uydurmadır və ermənilər arasında yayıla bilməz. "Ermənistanda yerli ermənilərdən heç kim "Sarı gəlin” mahnısını bilmir. Yalnız Türkiyədən köçmüş ermənilər içlərində Anadolu həsrətini söndürmək üçün bəzən "rabiz”, yəni uzun hava janrında "Sarı qalin” deyərək həmin havanı balabanda ifa edərdilər. Bunun türk havası olduğunu da xüsusi vurğulayırdılar. Sezan Aksu mahnını "Sarı ars” kimi tərcümə etməli idi, amma nəqarata uydura bilmədiyindən "Sarı axçik” variantına salıb. Düşünürəm ki, bu mahnı heç vaxt erməni dilində oturuşmayacaq. Çünki türklərə - azərbaycanlılara və türkiyəlilərə məxsusdur”,- deyə İrşad Abbasov vurğulayıb. (anspress)



Oxunub: 1 313

Mətndə səhv var? Onu siçanla seçin və Ctrl+Enter düyməsini basın.
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.DUNYATV.az | info@dunyatv.az
Copyright © 2013-2022 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.